O Concelleiro de Deportes e Medio Rural, Miguel Fernández, e o Deputado de Deportes, Pablo Rivera, participaron este xoves na clausura do I Campus de fútbol e fútbol sala Keeper Galicia, organizado polo Lugo Sala e a ADC Sagrado Corazón.

Un evento destinado a xogadores de ambos clubs, pero que tamén contou con xogadores externos a estas entidades, que gozaron conxuntamente de catro días nos que se compaxinou fútbol, fútbol sala, actividades de lecer e tempo libre e no que se buscou que todos os xogadores convivisen conxuntamente, por iso as catro xornadas foron ininterrompidamente de 10:00 a 19:30 horas con comida incluída.