Medio Ambiente retira 5 toneladas de lixo da Carballeira trala festa universitaria celebrada onte na Acea de Olga
O tenente de alcaldesa, Miguel Fernández, supervisou esta mañá o dispositivo especial organizado para garantir a limpeza na zona.
O servizo de limpeza do Concello de Lugo retirou esta mañá ao redor de 5.000 kilos de lixo, na súa maioría bricks, plásticos e vidros, procedentes da celebración universitaria que tivo lugar na Carballeira de Acea de Olga durante a pasada madrugada.
- Tema
- Benestar social,
- Medio ambiente,
- Residuos
O concelleiro de Medio Ambiente, Miguel Fernández, planificou con previsión o amplo dispositivo que se despregou xa a primeira hora deste xoves para proceder ao aseo da zona co obxecto de que a festa non tivera repercusións para a veciñanza.
O edil acompañou ao persoal durante a realización dos traballos para supervisar a execución do operativo que estivo composto por 12 operarios – 10 peóns e 2 condutores - así como por 10 máquinas entre elas, dous camións satélite, dúas cisternas, 2 recolledoras pequenas de carga traseira, 2 varredoras grandes e unha pequena ademais dunha hidrolimpadora de alta presión que deron por concluídas as tarefas ás 09:30 horas.
Pola súa banda, a Policía Local informou de que a celebración non deu lugar a ningún tipo de incidencia.
Audio
- O concelleiro de Medio Ambiente, Miguel Fernández, sobre o dispositivo da Festa da Carballeira | Descargar mp3 [1]