Maite Ferreiro presenta o concerto Mihlnovum Música Antiga
A actividade terá lugar no Vello Cárcere o vindeiro sábado, 6 de abril, a partir das 19:00.
Ferreiro presentou a actividade xunto coa soprano Alma Senlle e os instrumentistas Xosé María Grandío e Txuso Juaristi.
- Tema
- Cultura e Turismo,
- Música,
- Programación cultural,
- Xestión cultural
A concelleira de Cultura, Turismo e Promoción da Lingua, Maite Ferreiro, presentou o concerto de música antiga "Mihlnovum" que terá lugar no Vello Cárcere o vindeiro sábado, 6 de abril. Ferreiro afirmou que "seguimos ampliando a programación cultural de Lugo con distintas propostas de calidade para que toda a veciñanza atope algo do seu gusto na extensa axenda cultural de Lugo".
O concerto terá lugar o vindeiro sábado, 6 de abril, a partir das 19:00 no Vello Cárcere e contará coa soprano Alma Senlle, Xosé María Grandío a cargo das violas medievais, órgano portativo e coros e Txuso Juaristi nas guitarras e laúdes.