Maite Ferreiro presenta o ciclo de visitas escolares ao Vello Cárcere Un edificio con boa Memoria
A programación, dirixida aos ciclos de Educación Primaria, ofertarase ata o mes de xuño de 2022, coincidindo co remate do período lectivo.
- Tema
- Cultura e Turismo,
- Programación cultural,
- Museos e exposicións,
- Educación,
- Centros de ensino
A concelleira de Cultura, turismo e Promoción da Lingua, Maite Ferreiro, presentou o ciclo de Programación Escolar do Centro Sociocultural O Vello Cárcere. Baixo o título Un edificio con boa memoria, a área de Cultura achegará o Vello Cárcere a todos os centros de ensino de Galiza “cunha visita guiada ao centro que contará con diversas actividades para facilitar a actividade formativa”, explicou Maite Ferreiro
Baixo o título ‘Un edificio con boa Memoria’, o novo Programa de Visitas escolares pretende achegar, de xeito dinámico e divertido, a Historia e o Patrimonio Cultural de O Vello Cárcere aos centros de ensino de toda Galiza. “Trátase dunha proposta proxectada polo Espazo Didáctico do Centro, que abrangue as orixes do cárcere no século XIX a través dunha visita guiada acompañada de diferentes actividades adaptadas aos distintos ciclos de Primaria”, afirmou a Concelleira de Cultura.
Os centros educativos interesados poderán reservar a súa visita contactando co Centro por teléfono ou por correo electrónico.