Maite Ferreiro presenta as actividades organizadas pola área de Cultura polo 21 aniversario da declaración da Muralla como Patrimonio da Humanidade
Ferreiro: “contaremos con poesía e música para celebrar esta data, importante para todas as veciñas e veciños de Lugo”
As actividades realizaranse no adarve da muralla durante a tarde do día 30
- Tema
- Cultura e Turismo,
- Programación cultural,
- Museos e exposicións,
- Información turística
O Tenente Alcalde, Rubén Arroxo, presentou as actividades coas que o Concello de Lugo celebrará o 21 aniversario da declaración da Muralla como Patrimonio da Humanidade. As actividades terán lugar durante a tarde do martes 30, “contaremos con poesía e música para celebrar esta data importante para todas as veciñas e veciños de Lugo”.
As actividades comezarán ás 17:00, o coro e ensembles de clarinetes do conservatorio Xoan Montes actuará na praza Pío XII, interpretando distintas pezas de Beethoven, Pachelbel ou Mozart, entre outros.
A partir das 19:00, sairá da porta de Santiago un roteiro poético musical, organizado pola área de Cultura e a revista lucense de creación poética Xistral. Contará coa participación de distintos músicos da cidade, entre os que se atopan Yuri, Rulos, Cántigas e Frores ou a Volta do Agro, e con distintas persoas recitando poesía nas distintas paradas do roteiro.
Audio
- A edil de Cultura, Maite Ferreiro, sobre as actividades da declaración da Muralla como Patrimonio da Humanidade | Descargar mp3 [1]