A Alcaldesa de Lugo, Lara Méndez, e o Concelleiro de Deportes e Infraestruturas Urbanas, José Manuel Díaz Grandío, saudaron esta mañá aos participantes no Día da Bicicleta, no que tomaron parte máis de 2.000 ciclistas. O Concello colabora con esta iniciativa que ten por obxecto concienciar á cidadanía da importancia dunha mobilidade e medios de transporte máis sostibles e respectuosos co medio ambiente. A xornada, que comezou ao redor das 12:00 horas na Praza Maior, discorreu por  varias rúas da cidade para terminar no Centro Comercial As Termas.