O Concello de Lugo celebrou hoxe, con motivo do Día Internacional da Terceira Idade, a Festa dos Maiores. Nesta xornada festiva que se celebrou no parque da Milagrosa participaron máis de 1.500 persoas.

O Alcalde de Lugo, José López Orozco, e a Concelleira de Benestar Social e Igualdade, Carmen Basadre, acompañaron aos participantes neste evento organizado polo Concello co obxectivo de reivindicar o dereito das persoas maiores a divertirse, a ser atendidas e ser respetadas; sobre todo nunha cidade como Lugo que preto do 20% da poboación ten máis de 65 anos.

A festa, que se prolongou ao longo de todo o día, foi amenizada pola orquestra Acordes.

Ás 14.00 horas celebrouse o xantar, cun menú de 9 euros composto por entrantes, polbo a feira con cachelos, pan, viño, auga, postre e café.

Os matrimonios que cumpriron as súas bodas de ouro este ano e as persoas que cumpren cen anos ou máis tamén en 2009, tiveron un agasallo nesta xornada.