O Concello de Lugo e a Armada de Ferrol entregáronse este luns á Semana Santa, que estrea o distintivo de Festa de Interese Turístico Galego. Deste xeito, renovaron un ano máis o vínculo que os une dende hai 66 anos nestas datas, concretamente na procesión da Virxe da Esperanza, que un ano máis será escoltada esta tarde-noite, se o tempo o permite, polas rúas de Lugo polos membros da Armada.

Os actos arrincaron na Casa Consistorial, onde a Alcaldesa de Lugo, Lara Méndez, acompañada do Presidente da Deputación, Darío Campos, e o resto da Corporación Municipal recibiron ás autoridades da Armada. Nos actos tamén participaron representantes da Cofraría da Virxe da Esperanza.

Na Praza Maior, diante do Concello, formáronse as tropas, ante a atenda mirada de lucenses e visitantes. Tras pasar revista e saúdar ás autoridades, Lara Méndez e o Almirante Xefe da Armada, Antonio Duelo Menor, presidiron a tradicional parada militar, na que se rendeu homenaxe aos "caídos". Deseguido tivo lugar a retirada da Bandeira e o desfile de tropas. Finalizado este, a Banda de Música da Armada ficou na Praza Maior, intepretando distintas marchas militares.