A cidade de Lugo acolle esta vindeira fin de semana, os días 2 e 3 de maio, a VII Concentración Tunning & Racing Cidade de Lugo, organizada por Ancares Tuning Club no Pazo de Feiras e Congresos.

Esta concentración, que xa é a máis antiga da comunidade galega, comezara o sábado 2 dende as 10:00 da mañá ata a 1 da madrugada e o domingo 3 de maio iniciarase tamén ás 10:00, sendo a entrega de trofeos ás 17:00 e dando por rematadas as actividades ás 18:00 horas.

Durante as dúas xornadas os visitantes contarán con todas as especialidades do mundo do motor: tuning, racing e exposición de clásicos, ademais de que están previstas numerosas actividades para participar todos os asistentes e nas que haberá premios en diferentes categorías, como mellores exteriores, interiores e equipos de son.

Nesta edición xa se confirmaron asistentes de todo Galicia, así como da zona norte de España (Asturias, País Vasco) e tamén das rexións de Castela e León,  Madrid e norte de Portugal.

+ info

• Cartel da  VII Concentración Tuning & Racing Cidade de Lugo | Descarar jpg [1]