A alcaldesa de Lugo, Lara Méndez recibía esta mañá no Salón de Plenos do Concello ao estudantado de terceiro de primaria do CPR Divina Pastora para explicarlles o funcionamento do Concello e a actividade diaria que se desenvolve nel.

A rexedora compartiu uns momentos con medio cento de alumnas e alumnos que aproveitaron para facerlle todo tipo de preguntas relacionadas co papel que exerce como presidenta da Corporación, en que consiste o seu labor e tamén sobre a orixe e a evolución de proxectos municipais que están en marcha na cidade como o Carril Bici.