A alcaldesa, Lara Méndez, presidiu esta mañá a toma de posesión dunha Policía Local procedente de Ourense que pasará a desempeñar as súas funcións na Xefatura de Lugo, logo de ser aprobada a permuta do seu posto en Xunta de Goberno o pasado mércores, 23 de marzo.

No acto, no que tamén estiveron presentes a edil responsable da área económica, Paula Alvarellos e o Inspector Xefe da Policía Local, Jesús Piñeiro, a rexedora aproveitou para dárllela a benvida á nova axente e felicitala pola súa incorporación ao Corpo lucense, “porque ao tempo que recibimos a unha nova compañeira e veciña na cidade, seguimos sumando efectivos e ampliando o cadro de persoal municipal, o que pon de manifesto todos os esforzos que estamos a facer, dende a concellería de Gobernanza, para dotar á Policía Local e aos servizos de emerxencia de recursos humanos, materiais e de formación co obxectivo último de protexer á cidadanía”, afirmou Lara Méndez.