A alcaldesa de Lugo, Lara Méndez, acompañada por outros integrantes da Corporación Municipal presidiu esta mañá a Misa do Corpus na Praza de Santa María.

Un acto que precede á celebración, a vindeira fin de semana, da Ofrenda do Reino de Galicia ao Santísimo Sacramento, unha cerimonia que neste 2022 cumpre o 350 aniversario e que lle corresponderá presentar ao Concello de Santiago de Compostela.

Este ano, a programación organizada incorpora importantes novidades como a estrea dunha peza musical de José Castiñeira, a misa solemne con arreglos de Uxío Domínguez e coa participación do Orfeón Lucense, a Coral do Hospital Xeral e a Filarmónica de Lugo.