Lara Méndez pon en valor a XVI edición do vehículo de ocasión, “que atraerá a miles de persoas a Lugo este fin de semana”
Neste salón, que se celebra no Pazo de Feiras, reúnense 18 concesionarios de Lugo e provincia e estarán presentes as principais marcas do sector
- Tema
- Cultura e Turismo,
- Comercio
A alcaldesa de Lugo, Lara Méndez, inaugurou hoxe no Pazo de Feiras e Congresos a XVI edición de Lugo Autoocasión, “un evento plenamente consolidado que, ano a ano, atrae a miles de visitantes interesados na adquisición dun vehículo de quilómetro cero ou de ocasión, polo que non só incentivará o sector da automoción senón tamén a economía da cidade”.
No acto tamén estiveron presentes, entre outros, o tenente de alcaldesa, Miguel Fernández; o deputado provincial Pablo Rivera; Ruben López, xerente do Pazo de Feiras e Congresos, e Luis Abelleira, Presidente de Aprevar.
Nesta edición de Lugo Autoocasión, que se celebrá do 25 ao 27, de 11:00 a 21:00 horas, participan 18 concesionarios de Lugo e provincia e estarán presentes as principais marcas do sector. Este gran hipermercado do motor permitirá aos visitantes e potenciais clientes dos expositores comparar, probar, financiar e asegurar o automóbil desexado.