A alcaldesa de Lugo, Lara Méndez, participou este martes no acto de entrega da Insignia de Ouro da USC a Antonio Rigueiro, catedrático do Departamento de Produción Vexetal na Escola Politécnica Superior de Enxeñaría do Campus Terra. Rigueiro recibiu a máxima distinción da USC no marco dun acto académico presidido polo reitor, Antonio López, que tivo lugar no salón de actos da Casa do Saber de Lugo.

A rexedora trasladou os seus parabéns ao docente e investigador homenaxeado pola súa traxectoria profesional e contribución científica. Méndez lembrou que Rigueiro é unha das persoas que está a traballar da man do Concello no proxecto LIFE Lugo + Biodinámico para o deseño dunha cidade máis verde, sostible e integradora.