Javier Vázquez destaca no Correlingua, que reuniu a alumnado dos centros educativos de Lugo, o valor do galego como “patrimonio, identidade e unha maneira de mirar ao mundo”
- Tema
- Benestar social,
- Programación cultural,
- Deportes,
- Educación,
- Centros de ensino
O concelleiro de Educación e Cultura do Concello de Lugo, Javier Vázquez, participou hoxe no acto do Correlingua Lugo 2026, unha xornada que reuniu a alumnado de distintos centros educativos da cidade arredor dunha celebración da lingua galega, o deporte e a convivencia.
Durante a súa intervención, o edil agradeceu o traballo realizado pola organización, así como a implicación dos centros educativos e da mocidade lucense nunha iniciativa que cada ano contribúe a promover o uso do galego entre as novas xeracións.
Javier Vázquez destacou que “o galego é patrimonio, identidade e tamén unha maneira de mirar ao mundo”, poñendo en valor a importancia de seguir impulsando actividades que fomenten o orgullo pola lingua propia de Galicia.
O responsable municipal reafirmou ademais o compromiso do Concello de Lugo co apoio ás iniciativas de promoción da lingua e da cultura galegas.