Iria Buide e Maite Ferreiro visitan ao Concerto Didáctico da Banda Municipal celebrado hoxe no Auditorio Gustavo Freire
Iria Buide destacou que esta programación "permite ás e aos estudantes coñecer á Banda municipal e os distintos instrumentos que conforman esta agrupación".
A Banda Municipal deu un concerto destinado a todos os centros de ensino.
- Tema
- Cultura e Turismo,
- Programación cultural,
- Música,
- Xestión cultural
A concelleira de Cultura, Turismo e Promoción da Lingua, Maite Ferreiro, e a responsable de Educación e Difusión do Coñecemento, Iria Buide, achegáronse ata o auditorio Gustavo Freire, onde a Banda Municipal realizou un novo Concerto Didáctico dirixido a todos os centros de Ensino. Iria Buide afirmou que esta iniciativa "achega a música ás crianzas e fomenta o coñecemento e a sensibilidade artística nos centros educativos da cidade".
Iria Buide destacou que esta actividade "permite garantir o acceso á música e á cultura desde as idades máis temperás". A concelleira subliñou ademais que "as e os estudantes dos diferentes centros educativos teñen a oportunidade de escoitar e interactuar coa Banda, coñecendo de primeira man os instrumentos, os estilos e o traballo colectivo que require unha formación musical deste tipo".
A concelleira de Educación afirmou que a Tenencia de Alcaldía organiza esta actividade "para seguir fomentando a cultura entre todas as nenas e nenos de Lugo".
Audio
- A responsable de Educación e Difusión do Coñecemento, Iria Buide, sobre o Concerto Didáctico | Descargar mp3 [1]