A Alcaldesa de Lugo, Lara Méndez, a Presidenta de ADIF, Isabel Pardo de Vera, o Deputado de Relacións Institucionais, Álvaro Santos, e a Subdelegada do Goberno en Lugo, Isabel Rodríguez, comprobaron este venres as actuacións que vén de acometer o Administrador de Infraestruturas Ferroviarias en Lugo. Trátase do acondicionamento dun novo aparcadoiro nas inmediacións da estación de tren, unhas obras cun orzamento de 105.000 euros, que comezaron a mediados de xullo.

A petición de colectivos veciñais, e a insistencia da Alcaldesa de Lugo nesta necesidade, pois a propia Lara Méndez xa llo trasladara á Presidenta de ADIF cando ocupaba outras responsabilidades nesta administración, supoñen que esta zona da cidade faga realidade unha das súas demandas.

Lara Méndez, quen agradeceu a implicación que ten ADIF e a propia presidenta con Lugo, subliñou que se trata dun "paso máis nos acondicionamentos da cidade e de seguir humanizando espazos que se vaian facendo, pero que o gran obxectivo é a tan necesaria Intermodal e as imprescindibles estruturas ferroviarias para que Lugo non quede illado".

"Lugo volve estar na axenda política do Goberno central e na actualidade no que se refire as infraestruturas, tan demandadas pola cidade", subliñou a rexedora, quen remarcou o compromiso real do Ministro de Fomento para correxir o desequilibrio social, motivado polo desequilibro territorial, do municipio; agardando que a partir de agora se vexan resoltas máis necesidades.

Polo súa banda, a presidenta de ADIF, que xunto á Alcaldesa confirmou actuacións de acondicionamento da Praza Conde Fontao, avanzou que se está traballando para impulsar a Lugo, "que ten un problema de mobilidade que hai que solucionar con igualdade de condicións, tamén en temas de intermodalidade, co resto de cidades de Galicia e o territorio".

O aparcadoiro acondicionosue nunha parecela de 2.500 metros cadrados que quedou libre xunto á estació de tren cando a terminal de mercadorías se trasladou ao Ceao. Ten unha entrada e saída de vehículos que dá á Praza Conde Fontao e un acceso peonil. Esta nova área de estacionamento non só dará servizo ás persoas usuarias da estación de tren, senón aos veciños e veciñas que traballan na contorna.

Con estas novas 150 novas prazas na cidade, Lugo gañará un total de 950 máis, pois o Gobeno Local vai poñer a disposición da cidadanía novas prazas públicas e gratuítas coas medidas xa tomadas e as que ten en marcha: aparcamentos disuasorios (203), párking enfronte ao HULA (363), repintado das prazas da rúa que circunda o hospital (150) e apertura ao público do aparcadoiro do Seminario (80).

Audio

• Lara Méndez, sobre o aparcadoiro ADIF | Descargar mp3 [1]