A Concellería de Economía, Emprego e Desenvolvemento Económico, que dirixe Ana Prieto, preparou para este venres, 23 de novembro, un magosto emprendedor. Será a partir das 19:30 horas, na explanada do CEI-NODUS. É totalmente de balde.

Segundo explicou a edil, o I Magosto Day Networking para Emprendedores é unha actividade de motivación, organizada coa finalidade de fomentar o espírito colaborativo e o traballo en equipo entre emprendedores e emprededoras. Búscase tamén que sexa unha cita na que se cree un ecosistema local focalizado na creativadade, na que  establecer contactos e aproveitar sinerxias para mellorar as posibilidades de éxito.

Ana Prieto convidou aos veciños e veciñas a participar neste evento para emprendedores, que acompañados de castañas, poderán establecer relacións emprendedoras e creativas.

As persoas interesadas en participar na cita, que conta coa colaboración de Aje Lugo, Mulleres Empresarias e a cafetería Garabolos, poden facelo a través do mail norman.veiga@concellodelugo.org [1]