A Escola Municipal de Música do Concello de Lugo abre o próximo luns 9 de maio o prazo para inscribirse no vindeiro curso 2016-2017 para os alumnos que xa están matriculados este ano. O prazo para estes alumnos que queiran continuar cos seus estudos o próximo curso remata o 27 de maio. Para o novo alumnado o prazo de inscrición comezará máis tarde, o 30 de maio, e rematará o 17 de xuño.

Os horarios de matrícula serán os luns de 9:30 a 13:30 e de 16:00 a 20:30 horas; os martes, mércores e xoves de 16:00 a 20:30 horas; e venres de 16:00 a 18:30 horas na secretaría da Escola Municipal de Música, que está situada na primeira planta do Centro de Convivencia Uxío Novoneyra.