O Concelleiro de Desenvolvemento Sostible e Persoal, Daniel Piñeiro, participou este sábado na Casa do Saber no acto organizado pola USC co gallo da celebración do 25 aniversario da aprobación da Directiva Hábitats da UE, que contemplaba a creación da Rede Natura e a conseguinte posta en marcha dos programas Life. Na xornada, na que se expuxo o proxecto europeo Lugo+Biodinámico, tamén estiveron presentes a Deputada de Promoción Económica e Social, Sonsoles López, o representante da Consellería de Medio Ambiente, Jesús Latas, e o vicerreitor de Desenvolvemento Científico e Tecnolóxico, Andrés Barreiro.

Lugo+Biodinámico, cun ámbito de actuación de 18,6 hectáreas situadas entre os polígonos das Gándaras e O Ceao, co que o Goberno municipal busca desenvolver distintas accións en favor dun urbanismo sostible e dun mellor aproveitamento da riqueza forestal, a nivel económico e ambiental, o que mellorará a calidade de vida dos veciños, fará de Lugo unha cidade máis verde e abrirá novas oportunidades.