Cristina López visita Santalla de Lamas onde rematou o curso de cerámica organizado pola Área de Participación e a Vicepresidencia da Deputación
A iniciativa busca manter vivos os oficios tradicionais e dinamizar a vida asociativa nas parroquias de Lugo.
Cristina López: "Seguimos a atender ás distintas parroquias que nos reclaman actividades como esta, fomentando a transmisión de coñecementos entre a veciñanza".
- Tema
- Benestar social,
- Desenvolvemento social,
- Cultura e Turismo,
- Programación cultural,
- Xestión cultural,
- Desenvolvemento local,
- Participación
Cristina López, concelleira de Participación e Servizos á Veciñanza, visitou Santalla de Lamas onde vén de rematar o curso de cerámica organizado pola área de Participación do Concello en colaboración coa Vicepresidencia da Deputación.
As persoas asistentes tiveron a oportunidade de achegarse ás técnicas básicas da elaboración de pezas de cerámica, recibindo a formación teórica necesaria, e tratando temas como o recoñecemento dos materiais necesarios, a aprendizaxe de métodos para realizar as distintas pezas ou a elaboración de acabados .
"Estamos a comprobar como estes cursos non só transmiten coñecementos, senón que tamén fortalecen o tecido comunitario e animan a veciñanza a participar activamente", destacou López, quen engadiu que "é unha forma de apoiar ás asociacións e continuar a achegar coñecementos á veciñanza".