Cristina López visita Carballido onde continúan os cursos de cestería organizados por Concello e Deputación para distintas asociacións de Lugo
9 asociacións recibien 5 sesións para completar 15 horas de formación básica en cestería.
A edil de Participación destacou o compromiso da Tenencia de Alcaldía "ampliar o alcance das asociacións con estes novos cursos que axudan a recuperar as actividades e os oficios da nosa cultura, e innovar noutros".
- Tema
- Animación sociocultural,
- Programación cultural,
- Formación,
- Medio rural,
- Dinamización rural
A concelleira de Participación e Servizos para a Veciñanza, Cristina López, visitou á asociación de Carballido onde continúan as formacións en cestería básica dentro do cilo de cursos que a área de Participación do Concello de Lugo en colaboración coa Vicepresidencia da Deputación ofreceu ás distintas asociacións veciñais de Lugo.
O Goberno de Lugo e a Vicepresidencia da Deputación organizaron formacións de 15 horas, repartidas en 5 sesións, que se realizarán nos núcleos de Carballido, Orbazai, o Burgo, Galegos, Saa, Bosende, Piúgos, San Lázaro, Recatelo.
Cristina López reafirmou o seu compromiso coas asociacións para "ampliar o alcance das actividades con estes cursos que axudan a recuperar as actividades e os oficios da nosa cultura, e innovar noutros". Ademais, a edil destacou que a Tenencia de Alcaldía traballa "para facer funcionar o tecido asociativo tamén a través das partidas orzamentarias" polo que, insiste, "tanto axudas económicas coma obradoiros conviven e danse ao mesmo tempo".