A concelleira de Participación e Servizos para a Veciñanza, Cristina López, valorou a campaña O noso mercado é un agasallo, posta en marcha na Praza de Abastos e no Mercado Municipal para incentivar o consumo de productos locais e de proximidade, durante as datas de Nadal. Cristina López destacou “a gran acollida que esta campaña recibiu por parte da veciñanza”, e explicou que “cada un dos días da promoción, centos de persoas escolleron a Praza ou o Mercado para realizar as súas compras”.

 A edil de Participación afirmou que “durante o 2021 seguiremos traballando para adxudicar os postos baleiros da Praza e do Mercado, para contar con novas propostas nun emprazamento histórico da cidade”. Ademais, Cristina López afirmou que “continuaremos a realizar campañas e promocións durante este ano para achegar á veciñanza os produtos de calidade e a atención persoal das e dos distintos profesionais de cada posto”.

 Cristina López destacou a importancia do comercio local, “que demostrou a súa importancia durante a crise sanitaria”, e afirmou q ue “neste momento é máis importante que nunca colaborar na reactivación económica e social, para o que o pequeno comercio se volve imprescindible”.