A Corporación Municipal participa no minuto de silencio fronte á Subdelegación do Goberno por un novo asasinato machista
A alcaldesa e varios representantes municipais amosaron a súa repulsa por este crime, ao tempo que lembraron á muller de 50 anos morta onte na provincia en Murcia.
- Tema
- Alcaldía,
- Igualdade,
- Igualdade de dereitos,
- Violencia de xénero,
- Protección da comunidade
A alcaldesa de Lugo, Paula Alvarellos, participou, xunto a representantes da Corporación Municipal, no minuto de silencio convocado ante a Subdelegación do Goberno, en repulsa por un novo caso de violencia machista que onte acabou coa vida de Martha Isabel, de 50 anos, na provincia de Murcia.
Unha vez que a Delegación do Goberno contra a Violencia de Xénero confirmou este caso como un asasinato de violencia machista, xa son 45 as mulleres vítimas das súas parellas ou ex parellas e 35 os menores que quedan orfos e orfas, entre eles o fillo menor de Martha Isabel, asasinada en Cartagena pola súa parella.