A IX Mostra  de Teatro Clásico, organizada pola Concellería de Cultura e Turismo que dirixe Concepción Burgo, continúa coa representación da obra de William Shakespeare Hamlet. A compañía encargada de levar a escea unha das obras máis veces representada nos teatros de todo o mundo será o Centro de Nuevos Creadores, que farán a súa propia interpretación do drama.

A proposta desta compañía baséase na simplicidade e na sencillez, sin faltar á profunda carga significativa do texto do autor inglés centrándose principalmente nos temas do poder e da familia.

Trátase dunha nova versión na que o príncipe danés é interpretado por Juan Diego Botto, quen é, ademais, o director da obra. Participan tamén nesta representación actores da talla de Marta Etura, Luis Hostalot o Vicente Gisbert.

A representación terá lugar esta tarde a partir das 20:30 horas no Auditorio Municipal Gustavo Freire. Poderán mercarse as entradas na taquilla do Auditorio Municipal unha hora antes de cada representación. O prezo establécese entre os 12 e os 7 euros, dependendo da zona, con descontos para estudantes, persoas en paro e xubilados.