A concellería de Xuventude oferta 15 prazas para un curso de iniciación á cocina para a mocidade
As inscricións - por rigorosa orde de entrada - poden realizarse dende o martes 2 ao mércores 10 de maio, a través da web lugomasxti.org.
- Tema
- Benestar social,
- Programación cultural,
- Xestión cultural,
- Xuventude,
- Programas xuvenís
O Executivo de Lara Méndez, a través do Servizo de Prevención de Drododependencias e outras adiccións, adscrito á concellería de Xuventude que dirixe Mauricio Repetto, e dentro do Programa +XTÍ 2023 subvencionado polo Ministerio de Sanidade (Plan Nacional sobre Drogas (PNsD)), abre o prazo de inscrición para un novo obradoiro gratuíto, neste caso de iniciación á cociña.
A actividade, está dirixida á xuventude de 16 a 25 anos empadroada no Concello de Lugo. Será os sábados 13 e 20 de maio das 9:00 ás 14:00h no Centro de Formación Zertín (Polígono do Ceao, Rúa do Vidro).
“Desta forma preténdese que os mozos e mozas coñezan e se aproximen a elaboracións básicas, fáciles e rápidas, e sobre todo sas, sen ter que recorrer a comidas pouco nutritivas, así como a elaboración dalgunhas das receitas máis necesarias para a cociña diaria”, subliñou Repetto.
Todos os interesados en inscribirse nesta actividade, que conta con 15 prazas, poden facelo en: www.lugomasxti.org [1] ate o 10 de maio.