Inspección de establecementos de lecer nocturno

A madrugada do sábado día 10 de agosto, nun operativo conxunto, efectivos da Policía Local de Lugo e da Policía Nacional, accederon ao interior de dous locais de lecer nocturno, un deles situado nas proximidades da porta de Santiago, na Rolda da Muralla, e o outro no interior do recinto amurallado, na rúa Amor Meilán, co fin de realizar unha inspección, procedendo á identificación dunha trintena de persoas que se achaban no interior dos locais, levantando 3 actas de denuncia por infracción grave á Lei Orgánica de Protección da Seguridade Cidadá, por tenencia ilícita de estupefacientes.

• No local situado nas proximidades do centro histórico, na Rolda da Muralla, levantáronse 6 actas de denuncia por diversas infraccións á normativa de Espectáculos Públicos e Actividades Recreativas:
• Incumprimento de medidas e condicións de hixiene, entorpecendo o paso con obstáculos, tendo colocada unha mesa con varios aparellos de música no centro do local sen ningún tipo de sinalización, con cables e regletas que poden supoñer un risco.
• Colocación de extintores en lugar inaccesible e caducidade dos mesmos.
• Gran cantidade de sucidade no chan do local, interior da barra, mobiliario, etc. 
• Carencia de cartelería con horarios, aforo, prohibición de venda de alcol a menores, etc.  Colocación inadecuada de cables eléctricos na zona de localización do sonómetro, con risco de incendio.
• Carencia dalgunha das luces de emerxencia.

• No situado no interior do recinto amurallado levantáronse 2 actas de denuncia por infraccións detectadas en máquinas recreativas.