Control medidas COVID-19

No día de onte, 10 de novembro, efectivos da Unidade Territorial de Policía de Barrio da Policía Local de Lugo estableceron diferentes controis para comprobar o cumprimento da normativa da Xunta de Galicia sobre as limitacións de entrada e saída de persoas do termo municipal de Lugo, sorprendendo a CATRO persoas que entraban en Lugo procedentes doutros municipios e a UNHA persoa que saía do municipio de Lugo cara a outro municipio sen causa que xustificase tales desprazamentos.

As persoas que accedían ao municipio de Lugo facíano procedentes dos concellos de Becerreá, Rábade e Friol. Todas estas persoas foron denuncias por infracción á Lei de Saúde de Galicia.

Así mesmo nestes controis detectouse:

• Un vehículo sobre o que pesaba mandamento de procura, captura, depósito e precinto por embargo, sendo retirado polo guindastre ao Depósito Municipal.
• O condutor dun turismo ao que se lle practicou o test de drogas arroxando un resultado POSITIVO en cocaína e anfetamina.

Fuxido en Accidente de circulación

O equipo de atestados da Policía Local de Lugo interveu o pasado día 24 de setembro nun accidente de circulación que tivo lugar no Paseo dos Estudantes, no que o presunto responsable deuse á fuga. Tras iniciarse a correspondente investigación para identificar ao condutor, no día de onte, 9 de novembro, localízase o vehículo o cal carece de Seguro Obrigatorio de Automóbiles, non se presentou á Inspección Técnica Periódica no prazo debido e presenta deficiencias que constitúen un risco especialmente grave para a seguridade viaria pois ten o parabrisas completamente danado. Así mesmo comprobouse que ao titular do vehículo cónstalle anotación de perda de vixencia do permiso de conducir por perda total dos puntos asignados legalmente. O vehículo foi retirado polo guindastre ao Depósito Municipal onde queda inmovilizado.