O Tenente de Alcalde, Rubén Arroxo, xunto con Alexandre Penas, concelleiro de Infraestruturas Urbanas, e Felipe Rivas, concelleiro de Educación e Difusión do Coñecemento, comprobaron o avance das obras da avenida Ramón Ferreiro, onde se están a colocar pasos de peóns elevados “para calmar o tráfico das zonas escolares” segundo explicou Rubén Arroxo.

“Traballamos para complementar as medidas que xa se están implantando dende a propia Dirección Xeral de Tráfico, que van encamiñadas a cidades con tráficos calmados e cun menor número de vehículos circulando”, indicou Rubén Arroxo, que engadiu “actualmente estanse a construír catro pasos de peóns elevados en Ramón Ferreiro e dous máis en Montirón, que se suman aos xa realizados na rúa Santo Graal”.

Dende a área de Mobilidad e Infraestruturas continúan a traballar para construír pasos de peóns elevados no entorno de todos os centros escolares, nas rúas Galicia, Marina Española, Roi Xordo, Alexandre Bóveda, Ángelo Colocci, Alfredo Brañas, Serra de Outes e Avenida de Madrid. Esta actuación enmarcase do plan de repintado xeral da sinalización viaria horizontal que se acometerán en toda a cidade.

Audio

• O Tenente de Alcalde, Rubén Arroxo, sobre o paso de peóns | Descargar mp3 [1]