A masterclass online de nutrición de mañá, mércores, versará sobre como mellorar o sistema inmune coa alimentación.

Faino tras desmontar na pasada conferencia  os mitos alimentarios máis comúns. Esta é a cuarta sesión desta programación telemática que puxo en marcha a área de Xuventude do Concello, co obxectivo de ofrecer á mocidade contidos de educación nutricional, ao tempo que se facilita a creación dunha contorna saudable.

Poderase seguir a partir das 20:00 horas, a través do Facebook de Xuventude de Lugo así como na contade Instagram @Xuventude_lugo.

Estas charlas, dirixidas pola dietista-nutricionista Ángeles Novo, terán lugar a través deste medio todos os mércores ata o 7 de outubro, ás 20:00 horas. As vindeiras semanas estas masterclass farán fincapé en almorzos, ceas, petiscos saudables e receitas doces.