Dende o próximo día 11 e ata o luns 24, nas instalacións de San Fiz, desenvolveranse diferentes propostas lúdicas para a rapazada de entre 14 e 35 anos.

Baixo o nome Cociñando con Sabor a Entroido, os martes 11 e 18 de febreiro, terá lugar un taller gastronómico no que se elaborarán receitas de doces e postres típicos destas datas. Hai dez prazas dispoñibles e o custo da inscrición é de 1’64€.

A continuación, os días 20 e 21 celebrarase un obradoiro de tatuaxes de henna e de calcamonías imprimibles, e o 22 e 24 de febreiro outro de maquillaxe de Entroido.

“Poderán apuntarse 20 persoas en cada un deles e o prazo para anotarse permanecerá aberto até o día anterior ao seu inicio. Ademais, ámbolos dous son de carácter gratuíto e se realizarán en horario de tarde, de 17:00 a 20:00 horas”, explicou a edil Ana González Abelleira, ao tempo que convidou á mocidade lucense a participar e desfrutar da programación organizada pola área de Xuventude.

As incricións deberán formalizarse na Casa da Xuventude, na rúa Xesús Bal e Gay, onde tamén se pode atopar toda a información ao respecto.

Máis info

• Cartel Entroido 2020 | Descargar imaxe [1]
• Folleto Entroido 2020 | Descargar pdf [2]