A Concelleira de Benestar Social, Igualdade e Xuventude, Carmen Basadre, asistiu á presentación da Exposición de Fotografía de Cidadanía Inclusiva organizada pola Rede Galega Contra a Pobreza (EAPN Galicia) e que está composta por un total de 60 fotografías nas que se recolle a problemática da exclusión social e as accións encamiñadas á implementación de medidas efectivas que axuden á paliala.

Carmen Basadre quixo destacar que “medidas como esta exposición axudan a concienciar dunha maneira máis didáctica de cales son os puntos fundamentais para facer ver e dar a entender a problemática da exclusión social.” Ademais puxo de manifesto a labor que desenvolve o Concello en axudas sociais para evitar esta problemática.

No acto, participaron, ademais da Concelleira, Carlos Rosón Varela, Secretario de EAPN-Galicia e Pilar Santos Solla, Xerente do C. C. As Termas. A exposición poderá visitarse en dito Centro Comercial ata o 15 de xaneiro.