A Alcaldesa de Lugo, Lara Méndez, xunto ás Concelleiras de Economía, Emprego e Desenvolvemento Económico, Ana Prieto, e de Concello e Cidadanía, Rosana Rielo, asistiu este xoves no Círculo das Artes ao acto de celebración do 50 aniversario da Asociación de Amas de Casa e Consumidoras Lucus de Lugo. A rexedora agradeceu o traballo realizado por esa asociación neste último medio século reivindicando os dereitos das amas de casa. Trátase dun colectivo moi dinámico formado por unhas 560 asociadas na cidade de Lugo e forma parte da Federación de Amas de Casa da provincia, que conta cunhas 2.900 asociadas.