A Concelleira de Cultura, Turismo, Xuventude e Promoción da Lingua, Carmen Basadre, visitou este sábado os expositores da terceira edición de Gastroarte, a feira de artesanía e gastronomía que pon en marcha o Concello para promover os produtos gastronómicos e artesáns aproveitando a afluencia de visitantes á capital durante os días de celebración do San Froilán, Festa de Interese Turístico Galego e Nacional.

Nesta edición, Gastroarte conta con 32 postos que estarán abertos ata o día 12 de outubro dentro do propio recinto feiral na rúa Puro Cora.