O alcalde de Lugo, Miguel Fernández, supervisou o inicio das obras do arranxo da rúa Fermín Rivera que executa o Concello de Lugo. O remate destes traballos, suporá, segundo explicou o rexedor municipal “a reparación das fochancas ao longo da calzada, para garantir a seguridade do tráfico rodado e peonil nesta vía”. Para levar a cabo a reparación do firme se procedeu a acoutar e sinalizar algúns treitos desta vía, aínda que non foi necesario realizar cortes de tráfico nin pechar a circulación dos vehículos. Esta actuación se suma a outra intervención recente, levada a cabo polo Concello, que consistiu na limpeza dos colectores de saneamento con camións de gran potencia para lavar e succionar os residuos existentes. Miguel Fernández comentou que “con esta intervención imos garantir, ata o inicio da mellora integral de Fermín Rivera que acometeremos coa Confederación Hidrográfica Miño-Sil, que a rúa siga sendo operativa e transitable”.