A concelleira da área de Participación e Servizos á veciñanza, Cristina López, informou da adxudicación de 4 postos na Praza de Abastos e o Mercado municipal, os cales terán unha concesión por vintecinco anos sen prorroga.

Os postos adxudicados son o número 10 e 34 da Praza de Abastos e os postos 18 e 19 do Mercado municipal. Desde o goberno municipal destacan que “desde que puxemos en marcha a área de participación estamos traballando para que a Praza e o Mercado chegue ao total funcionamento” sinalou a concelleira Cristina López.

Desde a concellería resaltan que estas instalacións son sempre os mellores emprazamentos para “ garantir un servizo onde prima a calidade, o produto de proximidade e a máxima frescura” sinalou Cristina López, ao que engadiu “a Praza e Mercado seguen funcionando máis e mellor”

Cristina López tamén informou que nos vindeiros días procederase á adxudicación dos postos restantes.

Audio

• A concelleira da área de Participación e Servizos á veciñanza, Cristina López, sobre a adxudicación de postos na Praza e no Mercado | Descargar mp3 [1]