A área de Cultura retoma a edición semanal do boletín de información cultural
O boletín está dividido en tres seccións, e contén os eventos para a semana actual, información sobre os centros culturais da cidade e actividades organizadas a longo prazo
As persoas que desexen recibilo semanalmente no seu correo electrónico poderán darse de alta no 010
- Tema
- Cultura e Turismo,
- Programación cultural,
- Xestión cultural
A concelleira de Cultura, Turismo e Promoción da Lingua informou da recuperación do boletín de Información Cultural do Concello. O boletín, que se editará semanalmente, enviarase ás persoas que o desexen por correo electrónico, para o cal deberán anotarse previamente no 010.
O boletín contén está dividido en tres seccións. Comeza coas Actividades e Eventos Culturais en Lugo, onde se recolle toda a programación cultural programada do xoves de publicación ao mércores seguinte. Continúa con Centros Culturais en Lugo, onde se recolle información práctica para organizar visitas aos centros culturais da cidade. Pecha o boletín a sección O que Vén, onde se mostran actividades organizadas pola área de Cultura para as vindeiras semanas.
O boletín recollerá, ademais, información da actividade de institucións como a Deputación de Lugo ou a USC, ademais de iniciativas de promotores culturais recoñecidos.
Máis info
- Boletín de Información Cultural | Descargar pdf [1]
Audio
- A concelleira de Cultura, Turismo e Promoción da Lingua, sobre o boletín de Información Cultural do Concello | Descargar mp3 [2]