A concelleira de Cultura, Turismo e Promoción da Lingua, Maite Ferreiro, anunciou que se veñen de reservar espazos para persoas con mobilidade reducida na sala principal do Auditorio Fuxan os Ventos.

Ferreiro anunciou que a área de Cultura manterá unha xuntanza con colectivos vencellados á accesibilidade co obxectivo de "coñecer de primeira man as necesidades específicas desta nova instalación a través das asociacións e seguir traballando para facilitar a accesibilidade".

Maite Ferreiro afirmou que "é necesario continuar a traballar por un concello inclusivo, no que todas as persoas teñan unha vida o máis normal posible, independentemente das súas capacidades físicas", e engadiu "é preciso cuestións importantes para toda a veciñanza de Lugo, entre estas cuestións destacan a accesibilidade e a perspectiva de xénero para facer de Lugo un lugar amable e accesible".