Concello de Lugo
Publicado en Concello de Lugo (https://concellodelugo.gal)

Inicio > A área de Cultura estuda a impulsar unha escola de canto municipal

A área de Cultura estuda a impulsar unha escola de canto municipal

Maite Ferreiro: “estudamos unha proposta que pode encadrarse dentro da Escola Municipal de Música, onde xa se imparten aulas de música coral”

O persoal da área de Cultura estuda as distintas posibilidades para levar a cabo este proxecto, que emana do tecido cultural local

  • Tema
    • Música,
    • Xestión cultural,
    • Educación,
    • Formación
Martes, 27 de abril de 2021
Fonte: 
Gabinete de Prensa
A área de Cultura estuda a impulsar unha escola de canto municipal

A concelleira de Cultura, Maite Ferreiro, anunciou que o persoal técnico municipal da área está a estudar a posibilidade de impulsar unha escola de canto municipal. Ferreiro explicou que “estudamos unha proposta que se pode encadrar dentro da oferta da Escola Municipal de Música, onde xa se están a impartir aulas de música coral”.

Maite Ferreiro destacou que “esta proposta permitirá ilusionar á xente nova para que se acheguen á música coral”, e afirmou que “este xénero ten unha gran presenza na vida cultural da cidade, e desde o Concello trataremos de integrar o estudo desta disciplina na oferta formativa xestionada polo Concello”.

A edil de Cultura explicou que “desde o Goberno de Lugo recollemos esta proposta, que parte do tecido cultural da cidade, e que suporá un paso adiante na oferta formativa municipal no eido da música”, e avanzou que “buscaremos a colaboración da Deputación de Lugo e da Xunta de Galiza para poñer en marcha este proxecto”.

Audio

  • A concelleira de Cultura, Maite Ferreiro, sobre a Escola Municipal e o canto | Descargar mp3 [1]

URL fonte: https://concellodelugo.gal/gl/novas/area-de-cultura-estuda-impulsar-unha-escola-de-canto-municipal

Ligazóns:
[1] https://concellodelugo.gal/sites/default/files/210428_maite_ferreiro_escola_municipal_canto.mp3