A área de Cultura celebra o 21 aniversario da declaración da Muralla como Patrimonio da Humanidade
Maite Ferreiro: “contaremos con poesía e música para celebrar esta data, importante para todas as veciñas e veciños de Lugo”
As actividades realizaranse no adarve da muralla mañá, martes 30 de novembro
- Tema
- Cultura e Turismo,
- Programación cultural,
- Promoción turística,
- Xestión cultural
A concelleira de Cultura, Maite Ferreiro, animou á veciñanza a participar mañá nas actividades coas que o Concello de Lugo celebrará o 21 aniversario da declaración da Muralla como Patrimonio da Humanidade. As actividades terán lugar durante a tarde do martes 30, “contaremos con poesía e música para celebrar esta data importante para todas as veciñas e veciños de Lugo”.
As actividades comezarán ás 17:00, o coro e ensembles de clarinetes do conservatorio Xoan Montes actuará na praza Pío XII, interpretando distintas pezas de Beethoven, Pachelbel ou Mozart, entre outros.
A partir das 19:00, sairá da porta de Santiago un roteiro poético musical, organizado pola área de Cultura e a revista lucense de creación poética Xistral. Contará coa participación de distintos músicos da cidade, entre os que se atopan Yuri, Rulos, Cántigas e Frores ou a Volta do Agro, e con distintas persoas recitando poesía nas distintas paradas do roteiro.
Audio
- A concelleira de Cultura, Maite Ferreiro, sobre a previsión das actividades na Muralla | Descargar mp3 [1]