Os alumnos e alumnas da materia de xestión administrativa do ciclo de formación profesional de administración e finanzas do instituto vilalbés Lois Peña Novo, realizaron unha visita ao Centro de Empresas e Innovación de Lugo (CEI-NODUS), onde puideron coñecer o funcionamento e características deste centro e a súa actividade.

A Concelleira de Economía, Emprego e Desenvolvemento Económico, Ana Prieto, xunto a un dos técnicos municipais, guiaron polas instalacións aos 35 rapaces e rapazas, que viñan acompañados de tres docentes, e explicáronlles os servizos que o Concello ofrece neste centro municipal.