A Alcaldesa de Lugo, Lara Méndez, acompañada pola presidenta da Asociación de Veciños As Gándaras, Ponte Romai, Albeiros, Virxe da Soidade, Belén Ramos, realizou este xoves unha visita a Albeiros para coñecer de primeira man as principais necesidades deste barrio. Ao encontro tamén asistiron o Concelleiro de Educación e Infraestruturas Urbanas, Manuel Núñez, e outros representantes deste colectivo.

A visita finalizou cunha xuntanza cos veciños e veciñas deste barrio no Colexio de Albeiros, na que a rexedora escoitou distintas peticións para realizar melloras nalgunha rúa, poñer máis xogos na zona infantil do parque, ou reforzar o alumeado público dalgunha zona.