A Alcaldesa de Lugo, Lara Méndez, recibiu este luns na casa consistorial a un grupo de 40 alumnos e alumnas de entre 9 e 10 anos de idade do CEIP Illa Verde, acompañados de catro mestras do centro. A rexedora explicoulles aos rapaces e rapazas en que consiste o labor da Corporación municipal e cales son as instalacións nas que o Concello presta os seus servizos á cidadanía. Os nenos e nenas pola súa banda amosaron a súa concienciación coa protección do medio ambiente e a conservación do patrimonio da cidade. A Alcaldesa entregoulles o libro Poemas Escollidos de Manuel María.