A alcaldesa, Paula Alvarellos, participa nos actos con motivo do Día Mundial de Concienciación sobre o Autismo, organizados por Raiolas
- Tema
- Benestar social,
- Igualdade,
- Igualdade de dereitos,
- Conciliación,
- Accesibilidade,
- Inclusión
A alcaldesa de Lugo, Paula Alvarellos, acompañada de membros da corporación municipal, participou este martes nos actos con motivo do Día Mundial de Concienciación sobre o Autismo, que este ano ten como lema “Autismo preto de ti”. A rexedora asistiu á lectura do manifesto con motivo desta efeméride, dentro do programa de actividades organizadas pola Asociación Raiolas Lugo, que abranguen dende contacontos ata obradoiros.
Alvarellos abogou por “desterrar os estigmas e prexuízos asociados co autismo e recoñecer a súa presenza cotiá nas nosas vidas” e subliñou “a necesidade de garantir ás persoas autistas o acceso equitativo aos servizos e recursos especializados que necesitan, así como a súa participación social en igualdade de condicións en contornas inclusivas”.
Nesta xornada, o Concello iluminará de azul a Casa Consistorial e a pasarela peatonal Tanxurela, para visibilizar o TEA. Ademais, instalouse un punto de información na Praza Maior.