A Alcaldesa de Lugo, Lara Méndez, reuniu este xoves aos voceiros de todos os grupos políticos da Corporación Municipal, nunha xuntanza de caracter extraordinario urxente celebrada a primeira hora desta mañá, para abordar as dúas sentenzas do Tribunal Superior da Xustiza de Galicia sobre o proxecto de urbanzación e a licenza da Unidade de Actuación CS5, máis coñecida polo Garañón, que recibiu onte o Concello e que dan a razón á parte demandada pola administración luguesa.  

Tras a xuntanza, a rexedora avanzou que se estudan as sentenzas con distintos servizos municipais, "para examinar todas as posibilidades legais existentes, e actuar  de maneira responsable sempre no beneficio de Lugo, do municipio, dos veciños e veciñas e da institución".

Lara Méndez, quen avanzou que se lle entregou unha copia das dúas sentenzas a todos os grupos políticos para facela partícicipe neste asunto e que a coñezan de primeira man e as evaluen, propuxo celebrar a vindeira semana outra reunión de voceiros, na que tamén estarán presentes os técnicos municipais, para que tamén escoiten a valoración de ditos técnicos sobre as mesmas.

As referidas sentenzas non son firmes e cabe a posibilidade de interpoñer un recurso de casación, tendo para elo un prazo máximo de 30 días hábiles dende a súa notificación. O Goberno tomará unha decisión ou outra, de xeito reflexionado e motivado, "pero calquera decisión que se tome se fará pensando en Lugo e nos cidadáns de Lugo", tal e como incidiu a Alcaldesa. 

Audio

• Lara Méndez, trala Xunta de Voceiros |Descargar mp3 [1]