A Alcaldesa dá a benvida aos Reis Magos á cidade de Lugo
A Alcaldesa de Lugo, Lara Méndez, acompañada doutros membros da Corporación, deu a benvida á cidade na tarde de hoxe a Melchor, Gaspar e Baltasar, na súa visita a Lugo. Os Reis Magos chegaron á Praza Maior tras un paseo pola rúa da Raíña e unha cabalgata que partiu dende a Praza da Milagrosa, e que concentrou a máis de 50.000 persoas en todo o recorrido.
- Tema
- Alcaldía,
- Cultura e Turismo,
- Programación cultural
Tras a súa chegada á Casa Consistorial, a rexedora acompañou aos Magos de Oriente ata o despacho, onde lles agasallou a cada un unha réplica da Muralla realizada por ASPNAIS. Pola súa banda, Melchor, Gaspar e Baltasar regaláronlle á Alcaldesa un aparello multifunción para que, segundo as Maxestandes, "xa que non traen o tren, nin a dotación do Auditorio, poida construílos vostede, e tamén todo o preciso para pór en marcha o Muramiñae". Logo, e xa dende o balcón, Melchor dirixiuse a todos os cativos e cativas que agardaban na Praza Maior para trasladarlle as súas peticións.
Lara Méndez desexoulle a todos os veciños e veciñas nesta noite tan máxica e especial todo o mellor e que se cumpran todos os seus desexos, "porque son os nosos".
Pola súa banda, os Reis Magos pediron solidaridade, comprensión e igualdade a todos os nenos e nenas, e aos non tan cativos.