A Alcaldesa de Lugo, Lara Méndez, clausurou este domingo a primeira fin de semana do IX Salón Internacional do Cabalo de Galicia Equigal, celebrado no Pazo de Feiras e Congresos, un acto no que se entregaron os premios do I Concurso Nacional de Saltos Cidade de Lugo e que contou coa presenza da Garda Pretoriana. A rexedora agradeceu aos centos de persoas que se acercaron ao certame a súa participación “porque se vós isto non sería posible”, e felicitou aos organizadores polo éxito de convocatoria desta nova edición, augurando que o concurso nacional de saltos terá unha segunda edición o vindeiro ano. Equigal, co que colabora o Concello de Lugo, continuará a vindeira fin de semana, do 3 ao 5 de xuño.