A concelleira de Participación e Servizos para a Veciñanza, Cristina López, anunciou que se abriu o prazo para solicitar postos do Mercado Municipal e da Praza de Abastos. As persoas ou empresas interesadas poderán optar a un total de 26 postos, 13 na Praza de Abastos e 13 no Mercado Municipal, ademais de 4 cámaras frigoríficas e 4 almacéns. “Este é un paso máis para converter a Praza de Abastos e o Mercado Municipal nun referente do casco histórico, ao actualizar as concesións fixaranse empregos e darase garantía ás persoas que exploten estes postos” dixo Cristina Ferreiro.

Entre os 26 postos, que sairán a esta nova oferta, están os 5 do Mercado Municipal e 6 da Praza de Abastos, que foron concedidos entre o 4 de maio de 2012 e o 13 de novembro de 2013 por un prazo de dous anos, que foi prorrogado dous anos máis, e cuxa concesión actualmente está caducada. “Estes postos sairán á oferta pública, e poderán presentarse para ocupalos tanto as persoas que os ocuparon durante estes anos, ás que se lles contará a antigüidade, como novas ofertas” explicou a edil Responsable.

As bases foron publicadas no BOP do 29 de novembro de 2019 enlace: http://deputacionlugo.gal/sites/deputacionlugo.org/files/inline-files/29-11-2019.pdf#page=4 [1]

Audio

• A concelleira de Participación e Servizos para a Veciñanza, Cristina López, sobre os postos do mercado | Descargar mp3 [2]