A Concelleira de Benestar Social, Igualdade e Inclusión, Ana González Abelleira, informou de que o Concello abriu este luns o prazo de solicitude para a autorización do uso en precario de locais e instalacións das dúas casas das asociacións de interese social da entidade local, Clara Campoamor e María Mariño, tras a publicación de ditas bases no Boletín Oficial da Provincia.

A edil explicou que “se cederá un local por entidade, por unha duración dun ano, prorrogable ata un máximo de tres, onde os colectivos poden desenvolver os seus programas e actividades”. As solicitudes poderán presentarse ata o 7 de abril no Rexistro Xeral do Concello. Soamente se admitirá unha solicitude por entidade.

A Casa Clara Campoamor, situada na Avenida Infanta Elena 11, conta con 7 locais, un ximnasio e unha sala biblioteca e a María Mariño, en Monte Faro 2, con 13 locais, un salón de actos, unha sala polivalente e unha sala de recepción.

Audios

• Ana Abelleira, sobre as casas das asociacións | Descargar mp3 [1]