133 relatos curtos competiron no Certame de Mircorrelatos do MIHL
Felipe Rivas destacou “a creatividade das participantes, que decidiron facelo nun momento complicado como o confinamento”
As tres persoas premiadas recibiron vales por valor de 300€ para gastar en librarías de Lugo
- Tema
- Cultura e Turismo,
- Bibliotecas e arquivos,
- Programación cultural
No día de hoxe tivo lugar no MIHL a entrega de premios do certame de Microrrelatos que organizou o museo durante o confinamento, enmarcado nas actividades do Día das Letras Galegas. O concelleiro de Educación, Felipe Rivas, destacou na entrega de premios “a creatividade das persoas que decidiron presentarse a este certame nun momento complicado como foi o confinamento derivado da crise do COVID-19”.
O xurado, formado por Tonina Gay, xornalista e presidenta do Clube Cultural Valle Inclán, Marcos López, axente cultural e Lois Pérez, escritor e activista, tivo que escoller tres gañadores entre 133 relatos cunha extensión máxima de 30 palabras.
Lembranza, de Marga Ramos resultou o relato gañador do primeiro premio, cun vale de 150€ para gastar en librarías da cidade. No segundo lugar, con 100€ de premio, situouse As que non arden, de Xía Olijas. O último relato premiado, cun vale de 50€ para gastar en librerías de Lugo, foi Correspondencia, de Dewisa Solleiro.